RINOCEROSE

(V2 Records, Montpellier – France)
www.rinocerose.com

Спектакуларниот француски бенд Rinocerose, е препознатлив по иновативна електронска музика, со енергичен електро ритам и примеси на рок гитара. Носталгични кон седумдесетите години создаваат топла и милозвучна музика, со фанки и рок оживувања. Досега имаат издадено 4 албуми Retrospective Instalation Sonore, Music Kills Me и Schizophonia и имаат повеќе од 250 експлозивни настапи во живо  насекаде низ светот. После забележителните успеси на нивните албуми, Rinocerose во летото 2005 повторно почнаа да одат на турнеи насекаде низ Европа, правејќи огромни концерти пред илијадници фанови.  До крајот на годината Rinocerose ќе ја прослават својата десетгодишнина од настапите во живо и ќе продолжат да настапуваат како предвесници на различниот стил на миксање, електронски во духот и рокери во срцето.